په پاکستان کې د قدس ورځې په سمینار کې د حضرت امام خمیني د لیدتوګو پر اهمیّت ټينګار شوی
ایکنانیوز د ایرنا له قوله راپور راکوي،د پاکستان د ملی پيوستون شورا په اهتمام سره په اسلام اباد کې د قدس د ورځ او د پاکستان د خپلواکۍ سمینار ددیني شخصیّتونو،متفکرانو او رسیندوئي او مدني فعالانو په شتون سره ترسره شو.
پاکستانیو شخصیّتونو او متفکرانو ددغه سمینار موخه د قدس د نړیوالې ورځې د اهمیّت نندارې ته وړاندې کول ،د فلسطین په غزې تړانګې کې د وحشي صهیونیسټي رژيم د جنایتونو په باب روښانونې او د اسلامی نړۍ پر ګډو چیلنجونو د غلبې او په تیره بیا د فلسطین دفاع لپاره د اسلامی اتحاد دپیاوړتیا ضرورت عنوان کړ.
دوي پځپلو ویناؤ کې ووئيل،دمسلمانانو لومړنۍ قبله بیت المقدس،له خانه کعبې وروسته د اسلامی نړۍ دوهم حرم او دکډه په سر شوو فلسطینیانو وطن دی چې وحشي اوجنایتکار صهیونیسټي رژيم له خوا په زوره نیول شوی دی.
ویناوالو همداراز د ایران د اسلامی جمهوریت د ارواښاد بنسټګر د شخصیّت په درنښت او احترام سره ووئيل، دقدس نړیواله ورځ د نړۍ دمسلمانانو لپاره د حضرت امام خمینی یو یادګار دی چې په دې وسیلې سره تر نن ورځ پورې د فلسطین قضیه پخپل ځاي باقي پاتې ده او اسلامی نړۍ ئې د منزوي کیدا اجازت نه ورکوي . دوي همداراز د غزې دخلکو په ضد د وحشي صهیونیسټي رژيم دترهه ګرو اقداماتو په تیره بیا په سورئې کې د ایران د اسلامی جمهوریت په ډيپلوماټيک ځاي باندې د صهیونیسټانو دوروستۍ حملې په محکومولو سره ووئيل، چې اسرائيل یو جعلی او ناروا رژیم دی او د پاکستان دو لس پشمول اسلامی نړۍ له تیریګر او جنایتکار رژيم سره د ساز باز لپاره د دوي د ملاتړو دسیسو او زور ته تسلیمیدا ته قایل نه دي.
ر
دوي همداراز پخپلو وینا، کې ټينګار وکړ،له صهیونیسټانو څخه د نفرت او کرکې او د فلسطین د مظلوم ملت د ملاتړ چغه به، د قدس په نړیواله ورځ د هر پاکستاني ونډه وي.
د پاکستان دغو متفکرانو او عالمانو دغه راز روښانه کړه ، د نړۍ مسلمانان به د فلسطین له ملاتړه او له صهیونیسټ رژیمه په تیره بیا په سیمې کې د دوي له متحدانو څخه له کرکې لاس وانخلي او دا یوه دیني او انساني دنده ګڼي.
دوي همداراز په درست پاکستان کې د قدس د نړیوالې ورځې د لاریونونو په لاپرتم او ولولې سره دترسره کیدا غوښتونکي شول او له خپل حکومته ئې وغوښتل څو د قدس نړیواله ورځ دې په رسمي او ملی بڼه ترسره کړي.
